AÇ: Azərbaycanın yunan-Roma güləşçisi finala yüksəldi

Slovakiyanın paytaxtı Brotislavada güləş üzrə Avropa çempionatı keçirilir.

Operativ Media xəbər verir ki, Azərbaycanı 55 kq çəki dərəcəsində təmsil edən Eldəniz Əzizli  yarımfinalda ermənistanlı Manvel Xaçatryana 5:1 hesabıyla qalib gələrək 4-cü dəfə Avropa çempionatının finalına yüksəlib.

Murad Məmmədov (63 kq) yarımfinalda türkiyəli Kərəm Kamala 4:5 hesabıyla məğlub oldu və sabah bürünc medal uğrunda güləşəcək.