Azərbaycan Qızıl Aypara Cəmiyyəti “Səninləyəm Türkiyə!” adlı humanitar yardım kampaniyanı elan edir

Fevralın 6-da Türkiyədə 7,7 və 7.6 maqnitudalı zəlzələlər baş verib. Yeraltı təkanlar ölkənin müxtəlif bölgələrində - Adana, Ankara, Antalya, Qaziantep, Kayseri, Mersin, Trabzon, Şanlıurfada hiss olunub.

Fevralın 7-nə olan son məlumatlara əsasən: zəlzələ nəticəsində 3432 nəfər həlak olub, 21 103 nəfər yaralanıb.

Qardaş ölkəyə humanitar yardım göstərmək məqsədi ilə Azərbaycanın ən böyük humanitar təşkilatı olaraq Azərbaycan Qızıl Aypara Cəmiyyəti “Səninləyəm, Türkiyə!” adlı kampaniya elan edir.

Kampaniya çərçivəsində istənilən fiziki və hüquqi şəxslər birbaşa maliyyə yardımı göstərə bilərlər.

- Onlayn bank kartı vasitəsi ilə ianə etmək üçün bu linkdən istifadə edin: https://yardim.et/az/donations/bank/online

- Nağd pul vasitəsi ilə ianə etmək üçün MilliÖn və eManat ödəniş terminallarında xeyriyyəçilik bölməsində “yardim.et” düyməsindən istifadə edə bilərsiniz.

- SMS vasitəsi ilə ianə etmək üçün "Azercell" abunəçiləri 8116 qısa nömrəsinə SMS göndərə bilər.

- Elektron pul kisəsi vasitəsi ilə hesab.az saytından ianə edə bilərsiniz.

Bütün yığılan ianələr Türkiyəyə humanitar yardım göstərmək məqsədi ilə göndəriləcəkdir.