"Qarabağ" "Azərsun Arena"da oynamaq üçün müraciət etdi

“Qarabağ” Peşəkar Futbol Liqasına müraciət edib.

Operativ Media xəbər verir ki, müraciətdə “Azersun Arena”da təmir və bərpa işlərinin başa çatmaq üzrə olduğu və klubun Azərbaycan Premyer Liqasının 2024/25 mövsümünün son ev oyunlarını bu stadionda qəbul etmək istədiyi bildirilib. 

“Qarabağ”ın müraciətini, Əsasnamə tələblərinin qorunmasını nəzərə alan Peşəkar Futbol Liqası klubun müraciətini müsbət qarşılayıb. 

Beləliklə, 33-cü turun “Sumqayıt” ilə görüşündən etibarən (“Qarabağ” – “Sumqayıt”, 4 may saat 18:00) “Qarabağ” ev oyunlarını “Azersun Arena”da keçirəcək.