"Nürnberq" Mahir Emreli ilə müqaviləni uzatmaq istəyir.

Almaniyanın "Nürnberq" futbol klubu azərbaycanlı hücumçu Mahir Emreli ilə yollarını ayırmaq istəmir.

Operativ Media "Kicker"ə istinadən xəbər verir ki, bununla əlaqədar tərəflər mövsümün sonunda başa çatacaq müqavilənin mümkün uzadılması ilə bağlı danışıqlara başlayıb.

"Nürnberq"in idman direktoru Gjoti Hatzialexiou “Kayzerslautern"lə oyunda Mahir Emreli onu niyə transfer etdiyimizi göstərdi”, - deyə bildirib.

Qeyd edək ki, Azərbaycan millisinin üzvü  "Kayzerslautern"lə matçda komandasının ikinci qolunu vurub.