"Tesla" 2025-ci ilin yanvar-mart dövrü üçün balans hesabatını açıqlayıb.

Operativ Media xəbər verir ki, müvafiq olaraq, şirkətin gəliri ilin birinci rübündə keçən ilin eyni dövrü ilə müqayisədə 9 faiz azalaraq 19,3 milyard dollar olub. "Tesla" 2024-cü ilin birinci rübündə 21,3 milyard dollar gəlir əldə edib.

Elektrik avtomobil istehsalçısının xalis mənfəəti də ilin birinci rübündə keçən ilin eyni dövrü ilə müqayisədə 71 faiz azalaraq 409 milyon dollar olub. Keçən ilin eyni dövründə Teslanın xalis mənfəəti 1,39 milyard dollar olub.