“Unity Company” və Fikrət Əliyevdən Türkiyəyə 300 000 TL-lik yardım

Qardaş Türkiyədə baş verən 7,7 bal gücündə zəlzələ nəticəsində 12 mindən çox şəxsin həlak olması, 60 mindən çox şəxsin yaralanması ilə dövlətlərlə yanaşı, şirkətlər də Türkiyə üçün yardım kampaniyasına qoşulublar.

"Operativ Media" xəbər verir ki, bu məqsədlə “Unity Company” şirkəti və şirkətin təsisçisi, YAP Binəqədi rayon təşkilatının Binəqədi rayonu, Baksol yolu 89 ünvanında yerləşən “Unity Company” ərazi partiya təşkilatının sədri Fikrət Əliyev qardaş ölkə üçün ümumilikdə 300 000 TL yardım vəsaiti ayırıb.

Fikrət Əliyev “Qardaş ölkədəki faciəvi hadisə bizi dərindən kədərləndirib. Bu dəqiqə bütün fikrimiz Türkiyədə, qardaşlarıızın və bacılarımızın yanındadır. Bu məqsədlə həm maddi, həm digər formalarda əlimizdən nə gəlirsə, edirik və edəcəyik”-deyə bildirib.

Qeyd edək ki, “Unity Company” daha əvvəl Silahlı Qüvvələrin Yardım Fonduna və Koronavirusla Mübarizə Fonduna da ianələr etmişdi.