ABŞ Əsəd rejimini humanitar yardım tranziti üçün sərhədləri açmağa çağırıb

ABŞ dövlət katibi Antoni Blinken Əsəd rejimini Türkiyədə zəlzələdən zərər çəkmiş suriyalılara beynəlxalq yardım çatdırmaq üçün sərhəd keçidlərini açmağa çağırıb.

"Operativ Media" xəbər verir ki, Blinken, verdiyi yazılı açıqlamada, Türkiyədə baş verən zəlzələlərin Türkiyə və Suriyada milyonlarla insanı təsir etdiyini ifadə edərək, ABŞ prezidenti Co Baydenin göstərişi ilə federal qurumların zəlzələdən sonra saatlar ərzində yardım fəaliyyətlərini səfərbər etdiyini vurğulayıb.

Blinken Əsəd rejimindən yardımların bütün sərhədlərindən keçməsinə, zəlzələdən zərər çəkmiş bütün bölgələrə yardım paylanmasına icazə verilməsinə və humanitar yardımların istisnasız olaraq ehtiyacı olan bütün suriyalılara çatmasına icazə verməyə çağırıb.

ABŞ-ın həm Türkiyədə, həm də Suriyada zəlzələdən zərər çəkənlər üçün əlindən gələni edəcəyinə işarə edən Blinken, "ABŞ Türkiyə və Suriya xalqına dəstəyini davam etdirəcək. Bu istiqamətdə beynəlxalq tərəfdaşlarımızın dəstəyini alqışlayırıq" - deyə qeyd edib.