Türkiyənin Kahramanmaraş bölgəsində baş verən zəlzələlərdə həyatını itirən və şəxsiyyəti müəyyən edilə bilməyən insanların dəfn edilməzdən əvvəl şəxsiyyətini təyin etməyə uyğun fotoşəkil çəkiləcək, barmaq izləri və DNT nümunələri götürüləcək, cənazənin dəfn olunduğu yer və qəbiristanlıq qeydə alınacaq.

"Operativ Media" xəbər verir ki, ölkəmin Ədliyyə Nazirliyi, Kahramanmaraş mərkəzli zəlzələlərdən zərər çəkmiş vilayətlərdəki Respublika Baş Prokurorluğuna "Zəlzələ ilə əlaqədar fövqəladə vəziyyət elan edilən yerlərdə aparılacaq ölü müayinəsi və dəfn icazəsi prosedurları" haqqında məlumatlandırma mətni göndərib.

Mətndə qeyd olunub ki, Xalq Sağlamlığı Qanununa görə dəfn icazəsi həkim olmayan yerlərdə səhiyyə işçiləri, belə şəxsin olmadığı yerlərdə isə kənd muhtarları tərəfindən verilə bilər.

Yazıda mərhumun ölümlə bağlı müayinəsinin şəhər və rayon mərkəzlərində həkim tərəfindən operativ şəkildə aparılacağı, ölmüş şəxsin ekspertiza aktlarının dövlət ittihamçısı tərəfindən görüləcəyi və dəfn üçün icazənin veriləcəyi qeyd edilib.

Mərhumun şəxsiyyətini müəyyən etmək mümkün olmadığı halda, məktubda şəxsiyyətin müəyyən edilməsi üçün münasib fotoşəkilin çəkilməsi, barmaq izlərinin və DNT nümunələrinin götürülməsi, dəfn mərasiminin qeydiyyata alınması və dəfn vəsiqəsinin verilməsi tələb olunduğu bildirilib.