Kahramanmaraş rayonu ərazisində təşkil edilən Fövqəladə Hallar Nazirliyinin (FHN) xilasetmə qüvvələrinin qərargahında fövqəladə hallar nazirinin müavini general-leytenant Etibar Mirzəyevin iştirakı ilə növbəti toplantı keçirilib.
"Operativ Media" xəbər verir ki, bu barədə FHN məlumat yayıb.
Qeyd olunub ki, toplantıda hazırki əməliyyat şəraiti, əldə edilmiş nəticələr müzakirə edilib. Həmçinin, atılacaq növbəti addımlar, o cümlədən göndərilən humanitar yardımların məntəqələrə çatdırılması və təhvil verilməsi məsələləri nəzərdən keçirilib, müvafiq tapşırıqlar verilib.
Xatırladaq ki, Prezident İlham Əliyevin tapşırığına uyğun olaraq nazirliyin çevik xilasetmə qüvvələri Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarını davam etdirir.
