Parataekvondo üzrə milli komandamızın iyunun 15-dən 30-dək Türkiyənin paytaxtı Ankarada Türkiyə milli komandası ilə birgə keçirdiyi təlim-məşq toplanışına yekun vurulub.

Operativ Media xəbər verir ki, toplanışın son günündə milli komandamızın baş məşqçisi Fərid Tağızadə tərəfindən türkiyəli həmkarı İbrahim Mercimekə xatirə hədiyyəsi təqdim olunub.

Qeyd edək ki, toplanışda kişi idmançılarımızdan Sabir Zeynalov (58 kq), Amin Əliyev (58 kq), Ayxan Nuruyev (58 kq), Amin Şıxalıyev (63 kq), İmaməddin Xəlilov (70 kq), İmran Bağırov (70 kq), Orxan Cəfərov (80 kq) və qadın parataekvondoçumuz Səmayə Həsənova iştirak ediblər.