Berluskoni ailəsi "Monza"nı ABŞ fonduna satır

Silvio Berluskoninin ailə holdinqi "Fininvest" "Monza"nı Amerikanın "Beckett Layne Ventures" fonduna satıb.

Operativ Media xəbər verir ki, bu haqda"Gazzetta dello sport" məlumat yayıb.

Sövdələşmə bu ilin yayına qədər səhmlərin 80%-nin ilkin transferini, qalan 20%-nin isə 2026-cı ilin iyun ayına kimi təhvil verilməsini nəzərdə tutur.

Məlumatına görə, müqavilənin dəyəri təxminən 30 milyon avro olacaq.

2024/25 mövsümünün sonunda "Monza" A Seriyasını sonuncu yerdə tamamladı və B Seriyasına düşdü.

Berluskoni 1986-2017-ci illərdə də "Milan"ın sahibi olub.