Azərbaycan parataekvondoçuları Cənubi Koreyada təşkil olunan təlim-məşq toplanışına qatılacaq

Dünya Taekvondo Federasiyası, Taekvondo Təbliğat Fondu və “Taekwondowon” İdman Kompleksi tərəfindən Cənubi Koreyanın Muju şəhərində 2-10 iyul tarixlərini əhatə edən beynəlxalq təlim-məşq toplanışı təşkil ediləcək.

Operativ Media xəbər verir ki, dünyanın 10-dan çox ölkəsindən 40 parataekvondoçunun xüsusi dəvət ilə qatıldığı təlim-məşq toplanışında paralimpiyaçılarımız Sabir Zeynalov (58 kq), İmaməddin Xəlilov (70 kq) və Orxan Cəfərov (80 kq) da iştirak edəcək.