"Milan" "Torino"nun futbolçusunu transfer etdi

İtaliya Seria A təmsilçisi "Milan" heyətinə yeni futbolçu cəlb edib.

Operativ Media xəbər verir ki, bu haqda klubun mətbuat xidməti məlumat yayıb.

"Qırmızı-qaralar" "Torino"nun italiyalı dayaq yarımmüdafiəçisi Samuele Riççini heyətinə qatıb.

23 yaşlı futbolçu ilə 4 illik müqavilə imzalanıb.

"Milan" italiyalı futbolçu üçün qarşı tərəfə 24,5 milyon avro ödəyib.

Samuele Riççi ötən mövsüm A seriyasında 34 oyun keçirib, 1 qol vurub və 1 məhsuldar ötürmə edib.