Rumıniya klubu "Neftçi"nin qapıçısını istəyir

"Neftçi"nin qapıçısı Rza Cəfərov legioner həyatı yaşaya bilər.

Azərbaycan milli komandasının üzvünün Rumıniyada oynamaq ehtimalı var.

Operativ Media xəbər verir ki, bu barədə "Digisport" portalı məlumat yayıb.

"Dinamo" Rza üçün "Neftçi"yə rəsmi təklif göndərib. Lakin Azərbaycan klubu bu təklifi qəbul etməyib.

"Dinamo" Rza Cəfərovu heyətinə qatmaq üçün səylərini davam etdirir. Buxarest təmsilçisi 22 yaşlı qolkiper üçün Bakı klubuna yeni təklif göndərəcək.