"OBA" marketlər şəbəkəsi “Qadının gücü” layihəsi çərçivəsində növbəti tədbirini keçirib

"OBA” marketlər şəbəkəsi 2023-cü ildə start verilmiş "Qadının gücü” layihəsi çərçivəsində qadının cəmiyyətdə və iş həyatındakı roluna həsr olunmuş növbəti tədbirini keçirib.

Tədbirdə "OBA” marketlər şəbəkəsinin qadın əməyinə verdiyi dəyər, liderlikdə qadınların rolu və iş-şəxsi həyat balansının önəmi müzakirə edilib. 

Qeyd olunub ki, 10.000-dən çox əməkdaşı olan şirkətdə 4500-dən artıq qadın çalışır – bu da "OBA”nın gender bərabərliyinə verdiyi önəmin bariz göstəricisidir. Tədbirdə çıxış edən "OBA" marketlər şəbəkəsinin İdarə heyətinin sədri Natəvan İbrahimova qeyd edib ki, bu layihə çərçivəsində şirkət maliyyə, IT, marketinq və digər rəhbər sahələrdə çoxsaylı qadınların yüksəlişini dəstəkləyir və qadınlara bərabər imkanlar yaratmağa çalışır. 

Tədbirdə "Zəfər" Şəhid Ailələrinə Dəstək İctimai Birliyinin sədri, şəhid polkovnik-leytenant Raquf Orucovun həyat yoldaşı Sevinc Orucova da iştirak edib və həyat hekayəsi ilə tədbirə dəyər qatıb. Veysəloğlu Şirkətlər Qrupunun korporativ kommunikasiya direktoru Sənubər Nəzərova tədbirin əhəmiyyətini vurğulayıb, Azərbaycan qadınının gücündən və eləcə də özünün keçdiyi inkişaf yolundan danışıb. 

Tədbirin maraqlı hissələrindən biri isə "Azərbaycanda qadın lider olmaq” mövzusunda keçirilən panel müzakirə olub. Panelin moderatoru "OBA" marketlər şəbəkəsinin Marketinq departament rəhbəri Aynur Qaraqurbanlı, spikerlər isə mağazalar şəbəkəsində öz əzmləri ilə bölgə müdirliyinə yüksələn Dinarə Sadıqova, Günay Hacıyeva və Fəridə Əzimova – bölgə müdiri kimi liderlik təcrübələrini, çətinlikləri və nailiyyətləri bölüşüblər.

Tədbirin sonunda iştirakçılara təşəkkürnamələr təqdim olunub.