"İnter Mayami" Messi ilə müqaviləni uzatmaq istəyir

"İnter Mayami" rəhbərliyi 38 yaşlı hücumçu Lionel Messi ilə müqaviləni uzada biləcəyinə əmindir.

Operativ Media xəbər verir ki, bu haqda "The Athletic" məlumat yayıb.

Hazırkı müqavilə 2025-ci ilin sonuna qədər qüvvədədir.Daha əvvəl Səudiyyə Ərəbistanının bəzi klublarının argentinalının xidmətində maraqlı olduğu bildirilirdi.

Messi 2023-cü ilin yayından "İnter Mayami"də çıxış edir. Bundan əvvəl o, "Barselona" və PSJ-də çıxış edib. "Barselona"nın tərkibində Messi on dəfə İspaniya çempionu olub, yeddi dəfə İspaniya kubokunu və dörd dəfə UEFA Çempionlar Liqasını qazanıb.