İngiltərə klubu yaponiyalı müdafiəçi transfer etdi

“Tottenhem” “Kawasaki Frontale”dən yaponiyalı müdafiəçi Kota Takaini transfer edib.

Operativ Media xəbər verir ki, bu haqda klubun mətbuat xidməti məlumat yayıb.

20 yaşlı futbolçu ilə 2030-cu ilə qədər müqavilə imzalanıb.

Takai 17 yaşında (aprel 2022) əsas komandada debüt etdiyi "Kawasaki" akademiyasının yetirməsidir. O vaxtdan bəri o, bütün yarışlarda 81 oyun keçirib, 4 qol vurub və klubun ötən mövsüm AFC Çempionlar Liqasının finalına yüksəlməsinə kömək edib.

O, 2024-cü ilin sentyabrında Yaponiya millisində debüt edib və bu günə kimi dörd oyun keçirib. "Transfermarkt"ın məlumatına görə, futbolçunun hazırkı bazar dəyəri 2,5 milyon avrodur.