"Real Madrid"in hücumçusu Kilyan Mbappe Fransa millisini qoruyan polis əməkdaşlarına külli miqdarda pul verməsi ilə bağlı işdə təqsirləndirilir.
Operativ Media "RMC Sport"a istinadən xəbər verir ki, 2023-cü ildə futbolçunun hesabından 5 polisə ümumilikdə 180 min 300 avro köçürülüb, 4 məmurun hər biri 30 min avro, müdiri isə 60 min 300 avro alıb.
Futbolçunun sözlərinə görə, o, sadəcə olaraq, futbolçuların təhlükəsizliyini təmin edən insanları mükafatlandırmaq istəyib. Mbappe hüquq-mühafizə orqanları ilə əməkdaşlığa hazırdır.
