Dioqo Jota "Vulverhempton"un Şöhrət Zalına daxil edildi

Avtomobil qəzasında dünyasını dəyişən Dioqo Jota "Vulverhempton"un Şöhrət Zalına daxil edilib.

Operativ Media xəbər verir ki, bu haqda klubun mətbuat xidməti məlumat yayıb.

Portuqaliyalı 2017-2020-ci illərdə "Qurdlar"da çıxış edib, sonra "Liverpul"a keçib. Mersisaydlılar əvvəllər Jotanın xatirəsinə 20 nömrəsini təqaüdə çıxarmışdılar.

İyulun 3-də 28 yaşlı Jota və onun 25 yaşlı qardaşı Andre Silvanın ölüm xəbəri yayılıb.Onlar İspaniyada yol qəzasında ölüblər. Qəzanın səbəbləri ilə bağlı ilkin qənaətə görə , Jotanın idarə etdiyi avtomobil sürət həddini aşıb. Ötmə zamanı avtomobilin təkəri partlayıb, bundan sonra futbolçu idarəetməni itirib.