Hücumçu Markus Reşford 2026-cı ilin iyun ayına qədər icarə əsasında “Barselona” klubuna keçəcək. “Barselona” və “Mançester Yunayted” artıq satınalma opsiyası ilə bağlı müqavilənin şərtlərini razılaşdırıblar.
Operativ Media xəbər verir ki, bu barədə “Barca Universal” nəşri COPE radiosundan jurnalist Miqel Rikonun məlumatına istinadən xəbər verib.
Əgər “Barselona” futbolçunu daimi transfer etməsə, təxminən 5 milyon avro təzminat ödəməli olacaq. Reşford maaşının 30 faiz azaldılmasına razılaşıb. Buna baxmayaraq, onun illik gəliri 14 milyon avro civarında olacaq. Futbolçunun transferi “Barselona”ya ümumilikdə 30–35 milyon avroya başa gələ bilər.
Reşford “Mançester Yunayted” akademiyasının yetirməsidir. O, ötən mövsümün ikinci yarısını icarə əsasında “Aston Villa”da keçirib. Futbolçunun “Yunayted”lə müqaviləsi 2028-ci ilin yayına qədər qüvvədədir.
“Transfermarkt” portalının məlumatına əsasən, Reşfordun hazırkı bazar dəyəri 50 milyon avrodur.
