YUNESCO-nun baş direktoru Odri Azulay ABŞ-nin təşkilatdan çıxmaq qərarından təəssüfləndiyini bildirərək, belə bir inkişafı "gözlənilən" adlandırıb.
Operativ Media xəbər verir ki, bu barədə qurumun mətbuat xidməti məlumat yayıb.
"Prezident Donald Trampın Amerika Birləşmiş Ştatlarını YUNESCO-dan bir daha çıxarmaq qərarından dərin təəssüf hissi keçirirəm. Bu qərar 2026-cı ilin dekabr ayının sonunda qüvvəyə minəcək. Qərar çoxtərəfliliyin fundamental prinsiplərinə ziddir", - məlumatda deyilir.
Əlavə edək ki, hazırda ABŞ-nin töhfəsi təşkilatın ümumi büdcəsinin 8%-ni təşkil edir.
Gözəl Azadəliyeva
