Roberto Firminyo Qətər klubuna keçdi

"Liverpul"un sabiq hücumçusu Roberto Firminyo "Əl Sədd"lə müqavilə imzalayıb.

Operativ Media xəbər verir ki, bu haqda Qətər klubunun mətbuat xidməti məlumat yayıb.

33 yaşlı braziliyalı ilə müqavilə 2027-ci ilə qədərdir.

Firminyo 2023-cü ilin yayından Səudiyyə Ərəbistanının "Əl-Əhli" klubunda çıxış edir. O, 65 oyun keçirib, 21 qol vurub və 17 məhsuldar ötürmə edib.

"Transfermarkt" portalı hücumçunun bazar dəyərini 5 milyon avro qiymətləndirir.

Forvard həmçinin "Liverpul", "Hoffenhaym", "Tombense" və "Figueirense"də də çıxış edib.