Rusiyadan Ermənistana qaz nəqli dayandırılıb

Gürcüstanda təcili bərpa işləri ilə əlaqədar bu gündən Rusiya qazının Ermənistana nəqli müvəqqəti olaraq dayandırılıb.

Operativ Media xəbər verir ki, bu barədə “Qazprom Ermənistan” şirkəti məlumat yayıb .

“Şimali Qafqaz-Zaqafqaziya tranzit qaz kəmərinin Gürcüstan ərazisindən keçən Qazax-Saquramo hissəsində qəza-bərpa işlərinin aparılması zərurəti ilə əlaqədar iyulun 24-ü saat 07:00-dan 26-ı saat 19:00-dək Ermənistana təbii qazın verilməsi müvəqqəti olaraq dayandırılacaq”, - məlumatda deyilir.

Qeyd edilib ki, Ermənistan qaz təlabatını daxili resurslar və İran vasitəsilə təmin edə biləcək.

Gözəl Azadəliyeva