"Hyundai Motor"un gəliri rekord həddə çatıb

Cənubi Koreyanın ən böyük avtomobil istehsalçısı olan "Hyundai Motor" avtomobil satışlarının artması hesabına ikinci rübdə rekord gəlir əldə edib.

Operativ Media xəbər verir ki, bu barədə şirkətin press-relizində deyilir.

Məlumata görə, bu ilin ikinci rübündə şirkətin gəliri illik müqayisədə 7,3% artaraq rekord səviyyəyə - 35 milyard dollara çatıb.

Son rübdə "Hyundai" 1,066 milyon avtomobil satıb ki, bu da əvvəlki illə müqayisədə 0,8% çoxdur.

Hesabat dövründə Şimali Amerikada satışlar 3,3%, Cənubi Amerikada 6,6%, Avropada 2,6%, Cənubi Koreyada 1,5%, Yaxın Şərq və Afrikada 10,2% artıb.

Şirkətin səhmlərinin dəyəri bu ilin əvvəlindən bəri 2,6% artıb.

Gözəl Azadəliyeva