Azərbaycanlı futbolçu debüt oyununda qol vurdu, komandası qalib gəldi

Orxan Əliyev Qırğızıstan Premyer Liqasında uğurlu debüt edib. “Turan Tovuz”dan ayrılaraq “Ozgon”a keçən hecumçu debüt oyununda fərqlənib.

Operativ Media xəbər verir ki, onun komandası Bişkekin “Asiagoal” klubunun qonağı olub. 14-cü tur çərçivəsində keçirilən matçda Orxan qol hesabını açıb. Oyun Əliyevin komandasının 2:0 hesablı qələbəsi ilə yekunlaşıb.

Qeyd edək ki, hazırda “Ozgon” turnir cədvəlində 19 xalla 6-cı yerdə qərarlaşıb.