Sumqayıtda baş verən yanğın zamanı xəsarət alan şəxsin vəziyyəti açıqlanıb.

Bu barədə Operativ Media-ya Sumqayıt Tibb Mərkəzindən məlumat verilib

Qeyd olunub ki, saat 13:00 radələrində 1966-cı il təvəllüdlü (kişi) şəxs Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub.

Sol baldırın və sol pəncənin I və II dərəcəli termiki yanığı diaqnozu təyin edilən pasiyentə Təcili yardım şöbəsində zəruri tibbi xidmətlərlər göstərilib.

13:10

Sumqayıt şəhərində yerləşən Baxça Şəhər Yaşayış Kompleksində yanğın baş verib.

Operativ Media xəbər verir ki, Fövqəladə Hallar Nazirliyinin əməkdaşları hadisə yerinə dərhal cəlb olunaraq operativ müdaxilə həyata keçiriblər.

Yanğının qarşısı qısa müddətdə alınıb və geniş əraziyə yayılmasına imkan verilməyib.

Məlumata görə, hadisə zamanı təhlükəsizlik məqsədilə təxliyə prosesi də təşkil olunub.