Şagirdlərin elektron yerdəyişməsi prosesinə start verilib

Bu gündən 2025-2026-cı tədris ili üzrə şagird yerdəyişməsinə start verilib.

Operativ Media xəbər verir ki, proses sy.edu.az elektron sistemi üzərindən həyata keçirilir.

Yerdəyişmə 2-9 və 11-ci siniflər üçün 5 avqust saat 15:00-dan etibarən aktivdir.

10-cu siniflər üçün isə 12 avqust saat 11:00-dan aktivləşdiriləcək. 

Yerdəyişmə prosesi imtahanla həyata keçirilən müəssisələr üzrə imtahanlar 16-17 avqust tarixlərində həyata keçiriləcək. Övladlarının həmin imtahanlarda iştirak etməyini istəyən valideynlər 5 avqust 15:00 tarixindən 13 avqust 18:00 tarixinə qədər sy.edu.az platforması üzərindən qeydiyyatdan keçə bilər.

Qeyd edək ki, proses 20 avqust 18:00-a qədər davam edəcək.

İmtahanla yerdəyişmə həyata keçirilən müəssisələrlə tanış olmaq üçün linkə daxil ola bilərsiniz.