Florian Virtz birlikdə oynadığı ən yaxşı oyunçunun adını açıqlayıb

“Liverpul”un yarımmüdafiəçisi Florian Virtz karyerası ərzində birlikdə oynadığı ən yaxşı futbolçunun adını açıqlayıb.

Operativ Media xəbər verir ki, Virtz “Liverpul”un rəsmi kanalında yayımlanan videoda “Birlikdə oynadığım ən yaxşı oyunçu? Toni Kroos”, – deyə bildirib.

22 yaşlı alman futbolçu Almaniya millisində Kroosla birgə çıxış edib.

İyunun 20-də “Liverpul” Florian Virtzlə 2030-cu ilin yayına qədər müqavilə imzaladığını açıqlayıb. O, “Bayer”dən bu kluba keçib. Yarımmüdafiəçinin həftəlik maaşı 230 min avro olacaq.