İxtisas fənn müəllimi və istehsalat təlimi ustalarının işə qəbul müsabiqəsi üzrə müraciət müddəti uzadılıb.

Peşə Təhsili üzrə Dövlət Agentliyindən Operativ Media-ya verilən məlumata görə, namizədlər 7 avqust 2025-ci il tarixinədək qeydiyyatdan keçə bilərlər.

Müsabiqə çərçivəsində təşkil olunacaq test imtahanı isə 12 avqust 2025-ci ildə keçiriləcək.

Əlavə məlumat və müraciət üçün portal.edu.az saytına daxil olmaq tövsiyə olunur.

Qeyd edək ki, bu müsabiqə Peşə Təhsili üzrə Dövlət Agentliyi tərəfindən təşkil olunur.