"Ayaks" "Barselona"nın 16 yaşlı futbolçusunu transfer edib

"Ayaks" "Barselona"dan yarımmüdafiəçi Eloy Qomez Sauzu transfer edib.

Operativ Media xəbər verir ki, bu haqda klubun mətbuat xidməti məlumat yayıb.

16 yaşlı ispaniyalı Amsterdam klubu ilə 3 illik müqavilə imzalayıb.

"Eloi tipik pleymeykerdir. O, tez-tez hücumların qurulmasında iştirak edir, topla təşəbbüskardır və futbol zəkasını texnika ilə birləşdirərək öndə oynamağı xoşlayır. O, səkkiz yaşından "Barselona"da oynayır və turnirlərdə çox yaxşı çıxış edir . Biz onun buraya tez uyğunlaşacağını gözləyirik", - "Ayaks"ın idman direktoru Marijn Becker transferi şərh edib.

Eloy Qomez İspaniyanın gənclər yığmasında 2 oyun keçirib. 2024-cü ilin sentyabrında İtaliyaya qarşı iki oyunda (4:1, 3:2) meydana çıxıb.