"Karvan" konqolu vingerlə gücləndi

Növbəti mövsüm Premyer Liqada çıxış edəcək "Karvan" klubu heyətini yeni futbolçuyla gücləndirib.

Operativ Media klubun mətbuat xidmətinə istinadən xəbər verir ki, Yevlax təmsilçisi Konqo əsilli almaniyalı vinger Coy-Slayd Mikelsi sıralarına qatıb.

30 yaşlı futbolçu növbəti mövsüm "Karvan"ın uğurları üçün çalışacaq.

Qeyd edək ki, Coy-Slayd "Sabah"ın futbolçusu Coy-Lens Mikelsin qardaşıdır. Onun digər qardaşı Leroy isə son olaraq "Şamaxı"nın formasını geyinib.