PSJ-nin qapıçısı Canluici Donnarumma UEFA Superkuboku çərçivəsində "Tottenhem"lə oyun üçün heyətə düşə bilmədiyi üçün məyus olub.
Operativ Media xəbər verir ki, bu haqda insayder Fabrizio Romano məlumat yayıb.
Mənbənin məlumatına görə, 26 yaşlı italiyalı yaxın vaxtlarda parislilərin müqaviləni yeniləməməsi və qapıçı Lük Şevalye ilə müqavilə imzalaması ilə bağlı mövqeyini açıqlayacaq.
Donnarumma 2021-ci ildən PSJ-də çıxış edir. 2024/25 mövsümündə o, parislilərin heyətində bütün yarışlarda 47 oyun keçirib, 43 qol buraxıb və 17 qapısını təmiz saxlayıb. Onun müqaviləsi 2026-cı ilin yayında başa çatır.
