"Şkendiya"nın baş məşqçisi: "Qarabağ" qələbəyə layiq idi"

"Bu oyunlardan nəsə öyrənməyə çalışacağıq".

Operativ Media xəbər verir ki, bunu Şimali Makedoniya təmsilçisinin baş məşqçisi Jeton Beqiri jurnalsitlərin suallarını cavablandırarkən deyib.

O, "Qarabağ"ın daha yaxşı oynadığını qeyd edib:

"İlk növbədə "Qarabağ"ı və azarkeşlərini təbrik edirəm. "Qarabağ" qələbəyə layiq idi, bizdən çox yaxşı oynadılar. Oyuna gəldikdə, 1:5 uduzmuşuqsa, oyunla bağlı danışmağa çox sözüm yoxdur. Biz birinci hissədə çox pis oynadıq və 4 qol buraxdıq. Sabahdan oyunu analiz edəcəyik və Avropa Liqasının pley-off mərhələsi üçün motivasiya tapmağa çalışacağıq. "Qarabağ"a uğurlar arzulayıram".