Ağdərə və Qubadlının kəndlərində baş vermiş yanğınlar söndürülüb

Ağdərə rayonu, Suqovuşan kəndində dağlıq ərazidə baş vermiş yanğın Fövqəladə Hallar Nazirliyinin yanğın-xilasetmə qüvvələrinin yüksək peşəkarlığı və əməkdaşların xüsusi fədakarlığı sayəsində daha geniş sahəyə yayılmasına imkan verilmədən tam söndürülüb. 

Operativ Media xəbər verir ki, bu barədə FHN məlumat yayıb.

Bundan əlavə, Qubadlı rayonunun Qayalı kəndində açıq sahədə baş vermiş yanğın ətraf ərazilərə yayılmasına imkan verilmədən qısa müddətdə söndürülüb.