Roberto Mançini Rusiya klubunu çalışdıra bilər

Roberto Mançininin agentləri italiyalı mütəxəssisi "Spartak"ın baş məşqçisi postuna təklif ediblər.

Operativ Media xəbər verir ki, bu haqda Rusiya mətbuatı məlumat yayıb.

60 yaşlı mütəxəssisin son iş yeri 2024-cü ilin oktyabrında tərk etdiyi Səudiyyə Ərəbistanı millisi olub. Bundan əvvəl Mançini İtaliya millisini, "Zenit", "İnter", "Qalatasaray", "Mançester Siti", "Latsio" və "Fiorentina"nı çalışdırıb.

"Spartak"a 2024-cü ilin yayından Deyan Stankoviç başçılıq edir. 4 turdan sonra "qırmızı-ağlar" 4 xalla RPL turnir cədvəlinin 11-ci pilləsində qərarlaşıb.

Qeyd edək ki, Qurban Qurbanov da "Spartak"ın baş məşqçi namizədlərinin siyahısında yer alır.