Kaliforniyada 3 nəfəri öldürən şəxs saxlanılıb

ABŞ-ın Kaliforniya ştatının Orinc qraflığında atışma nəticəsində azı üç nəfər ölüb.

"Operativ Media" xəbər verir ki, bu barədə yerli polis idarəsinin tviter səhifəsində yerləşdirilən məlumatda deyilir.

“19 yaşlı Keith Melvin Moses 20 yaşlarında bir qadının, 9 yaşlı qızın və “News 13” əməkdaşı da daxil olmaqla üç nəfərin ölümü ilə nəticələnən atışma hadisələrində şübhəli bilinir. Şübhəli şəxs saxlanılıb”, - məlumatda qeyd edilib.

“Associated Press”in məlumatına görə, jurnalist daha əvvəl bir qadın və bir qızın ölümü ilə nəticələnən atışma yerinin yaxınlığında ölümcül yaralanıb. Telekanalın çəkiliş qrupunun daha bir üzvünün yaralandığı və vəziyyətinin ağır olduğu bildirilir.

Hadisənin səbəbləri hələlik məlum deyil.