"Rubin" sabiq baş məşqçisi Kurban Berdıyevi ad günü münasibətilə təbrik edib.
Operativ Media xəbər verir ki, avqustun 25-də mütəxəssisin 73 yaşı tamam olub.
“Kurban Bekieviçi səmimi qəlbdən təbrik edir, ona cansağlığı, bütün məqsədlərinə çatması və məşqçilik sahəsində uğurlar arzulayırıq! ” - klubun bəyanatında deyilir.
Berdyev 2001-ci ilin avqustundan 2013-cü ilin dekabrınadək və 2017-ci ilin iyunundan 2019-cu ilin iyununadək "Rubin"ə rəhbərlik edib. 2004-2012-ci illərdə o, Kazan klubunun vitse-prezidenti vəzifəsində də çalışıb.
Onun rəhbərliyi altında “Rubin” iki dəfə Rusiya çempionu olub, iki dəfə ölkə çempionatında bürünc, iki dəfə Superkubok, bir dəfə isə Rusiya kubokunu qazanıb.
