FIFA 2029-cu il Klublararası Dünya Çempionatının iştirakçılarının sayını artıracaq

Beynəlxalq Futbol Federasiyası (FİFA) 2029-cu ildə keçiriləcək Klublararası Dünya Çempionatının iştirakçılarının sayını 48-ə çatdırmağı planlaşdırır.

Operativ Media xəbər verir ki, bu haqda "The Guardian" nəşri məlumat yayıb.

Mənbənin sözlərinə görə, beynəlxalq turnirdə oynamaq hüququ üçün pley-off oyunlarının sayı da artırıla bilər. Klublararası dünya çempionatı İspaniya və Mərakeşdə keçirilə bilər. 2030-cu ildə bu ölkələrdə milli komandalar arasında dünya çempionatının oyunları keçiriləcək.

2025-ci ildə ABŞ-də 32 komandanın iştirakı ilə keçirilən Klublararası Dünya Çempionatının qalibi "Çelsi" olub.