"Qarabağ" ÇL-in liqa mərhələsinə yüksəlməklə nə qədər qazandı? - Məbləğ

"Qarabağ" FK-nın 2025/2026 mövsümündə Çempionlar Liqasının liqa mərhələsinə qatılmaqla əldə etdiyi gəlir məlum olub.

Operativ Media xəbər verir ki, Azərbaycan klubu dünyanın əsas klub turnirinə yüksəlməklə 18,62 milyon avro təmsilçilik haqqı qazanıb.

"Atlılar" liqa mərhələsində hər qələbəyə görə 2,1 milyon avro, heç-heçəyə görə isə 700 min avro gəlir əldə edəcək.

Qurban Qurbanovun yetirmələri liqa  mərhələsində ilk 8-liyə girərsə 2 milyon avro qazanacaq. 9-16-cı yerləri tutarsa isə kassasına 1 milyon avro əlavə edəcək.

Qeyd edək ki, Çempionlar Liqasının liqa mərhələsinin püşkatma mərasimi bu gün saat 20:00-da baş tutacaq.