Madaqaskarda etirazçılara dəstək verən hərbi qrup hakimiyyəti ələ keçirdiyini və bütün keçmiş idarəetmə orqanlarını ləğv etdiyini açıqlayıb.

Operativ Media xəbər verir ki, bu barədə “Reuters” qrupun sözçüsü polkovnik Maykl Randrianirinaya istinadla məlumat yayıb.

Xatırladaq ki, Madaqaskar parlamenti bundan əvvəl Prezident Andri Radzuelinanı impiçment edib.

Andri Radzuelina sentyabr ayından ölkədə su və elektrik qıtlığına görə davam edən kütləvi nümayişlər fonunda dünən Fransa təyyarəsi ilə ölkədən qaçıb.