Tramp Savayanı özünün İraq üzrə xüsusi nümayəndəsi təyin edib

ABŞ Prezidenti Donald Tramp amerikalı iş adamı Mark Savayanı özünün İraq üzrə xüsusi nümayəndəsi təyin edib.

Operativ Media-nın  məlumatına görə, Amerika lideri bu barədə "Truth Social" sosial şəbəkəsində yazıb.

"Mən Mark Savayanın İraq Respublikası üzrə xüsusi nümayəndə olacağını elan etməkdən məmnunam", - deyə Vaşinqton administrasiyasının rəhbəri qeyd edib. O, Savayanın "ABŞ və İraq arasındakı münasibətləri dərindən anladığını", həmçinin regionda əlaqələrə sahib olduğunu bildirib.

"Mark Miçiqandakı seçki kampaniyamda əsas rol oynadı, burada o və başqaları səsvermədə müsəlman amerikalılardan rekord dəstək təmin etməyə kömək etdilər", - deyə Tramp əlavə edib.

Qeyd edək ki, Savaya marixuana əsaslı müxtəlif məhsullar istehsal edən və yayan "Leaf and Bud" şirkətinin təsisçisidir.