Oktyabrın 20-də Səmərqənddə Mərkəzi Asiya ölkələrinin müdafiə nazirlərinin ilk iclası keçirilib.

Operativ Media xəbər verir ki, bu barədə "Uza.uz"məlumat yayıb.

İclasda Özbəkistan, Qazaxıstan, Qırğızıstan, Tacikistan və Türkmənistanın müdafiə nazirləri iştirak ediblər.

Görüşdə Mərkəzi Asiya regionunda təhlükəsizliyin təmin edilməsi, dövlətlərarası hərbi və hərbi-texniki əməkdaşlığın inkişaf etdirilməsi, beynəlxalq terrorizmə qarşı mübarizədə əməkdaşlığın yeni səviyyəyə qaldırılması, qarşılıqlı faydalı əlaqələrin daha da inkişaf etdirilməsi məsələləri ətrafında fikir mübadiləsi aparılıb.