Vaşinqton administrasiyası Ukraynadakı münaqişənin həllini asanlaşdıra biləcəyi təqdirdə Rusiya rəsmiləri ilə görüşməyə hazırdır.
Operativ Media xəbər verir ki, bu barədə oktyabrın 22-də jurnalistlərə ABŞ dövlət katibi Marko Rubio məlumat verib.
“Biz hələ də Rusiya tərəfi ilə görüşmək istəyirik. [Rusiya xarici işlər naziri] Sergey Lavrovla yaxşı telefon danışığımız oldu. Bu əsasda işləməyə davam edəcəyik”, – deyə dövlət katibi əlavə edib.
Rubio Ukraynada nizamlanma məsələsinə toxunaraq bildirib: “Əgər sülh əldə etmək imkanı yaranarsa, biz həmişə təmaslarda maraqlı olacağıq.”
Oktyabrın 22-də ABŞ-nin “Lukoyl” və “Rosneft” şirkətlərinə qarşı elan etdiyi sanksiyalardan danışan Rubio qeyd edib: “Düşünürəm ki, Donald Tramp son aylarda dəfələrlə bildirib ki, əgər sülh yolunda irəliləyiş olmasa, nə vaxtsa müəyyən addımlar atmalı olacaq. Bu gün o, belə bir addım atmaq qərarına gəlib.”
