Azərbaycan Premyer Liqası: "Zirə" "Neftçi"ni əliboş yola saldı

Azərbaycan Premyer Liqasında 3-cü turun oyunları keçirilir. 

Operativ Media xəbər verir ki, ikinci oyun gününün son qarşılaşmasında "Zirə" və "Neftçi" komandaları üz-üzə gəliblər. Matç Rəşad Sadıqovun yetirmələrinin 1:0 hesablı qələbəsi ilə başa çatıb.

Xallarının sayını 9-a çatdıran "Zirə" turnir cədvəlinin zirvəsinə yüksəlib.

Qeyd edək ki, tura sabah baş tutacaq, "Sumqayıt" - "Qarabağ" və "Araz-Naxçıvan" - "Sabah" matçları ilə yekun vurulacaq.