Azərbaycan komandaları Şahmat Olimpiadasına qələbə ilə başlayıb

Azərbaycanın kişi və qadın şahmat komandaları 2026-cı il Ümumdünya Şahmat Olimpiadasında ilk turu qələbə ilə başa vurublar.

Operativ Media xəbər verir ki, kişi şahmatçılarımız ilk turda Mərakeş yığmasını 4:0 hesabı ilə məğlub ediblər.

Görüşlərdə Aydın Süleymanlı Mohamed-Mehdi Aithmdouya, Məhəmməd Muradlı Yasser Hadj Xoltini, Rauf Məmmədov Nidal Qhanouini, Eltac Səfərli isə Abdeslam Zarkiki məğlub edib.

Qadınlardan ibarət Azərbaycan komandası isə ilk turda Qvatemala yığmasına 4:0 hesabı ilə qalib gəlib.

Gövhər Beydullayeva Ceni Fernandaya, Günay Məmmədzadə Deysi Daniela Raymundoya, Xanım Balacayeva Dairin Lopezə, Gülnar Məmmədova isə Kerstin Danielleyə qalib gəlib.