Baş nazir: Azərbaycanın strateji valyuta ehtiyatları təxminən 91 milyard dollar təşkil edir

Azərbaycanın strateji valyuta ehtiyatları təxminən 91 milyard dollar təşkil edir.

Operativ Media xəbər verir ki, bunu Baş nazir Əli Əsədov 2027-ci il dövlət və icmal büdcə layihələrinin müzakirəsi zamanı bildirib.

Onun sözlərinə görə, Azərbaycanın strateji valyuta ehtiyatları ölkənin xarici dövlət borcunu 20 dəfəyə yaxın üstələyir.

Əli Əsədov qeyd edib ki, sentyabrın 1-nə Azərbaycanın birbaşa xarici dövlət borcu 4,5 milyard dollar təşkil edib. Bu məbləğ proqnozlaşdırılan ÜDM-in 5,6 faizinə bərabərdir.

Baş nazirin sözlərinə görə, 2026-cı ilin ilk 8 ayında Azərbaycanın xarici ticarət balansında müsbət saldo 10 milyard dollardan çox olub.