Polşanın BMT-dəki daimi nümayəndəsi istefa verib

Polşanın BMT-dəki daimi nümayəndəsi Kşiştof Şerski səlahiyyət müddətinin vaxtından əvvəl başa çatmasını xahiş edib.

Operativ Media xəbər verir ki, bu barədə Polşa XİN-in mətbuat katibi Makey Vevyur açıqlama verib.

Bildirilib ki, bu ay onun missiyası başa çatacaq.

Qeyd edək ki, Polşada Konstitusiya Tribunalının rəhbərliyi ətrafında yaranmış böhran oktyabrın 30-da qarşıdurmaya çevrilib.

Tribunalın sədri Boqdan Şvençkovskinin səlahiyyətlərinin dayandırılmasından sonra bina qarşısında etirazlar keçirilib.

Prezident Karol Navrotski isə baş verənləri konstitusion qurumun zorla ələ keçirilməsi kimi qiymətləndirərək təcili siyasi məsləhətləşmələrə çağırıb.