"Əksər totalitar, diktator ölkələrdə bu adam oğurluğu tez-tez baş verir. Burda biz İranı Şimali Koreya ilə müqayisə edə bilərik".
Bunu "Operativ Media"-ya açıqlamasında politoloq Elşən Məcidov açıqlayıb. Politoloqun sözlərinə görə, Şimali koreyada da bu hal geniş vüsət alıb. İranın qarşısı vaxtında alınmasa Şimali Koreyanı da ötüb keçəcək.
"İran kifayət qədər ideologiyalaşdırılmış rejimdir. Xüsusilə də vurğulamaq lazımdı ki, Fəridin həbsində isə bir neçə nüans üst-üstə düşür. O, azərbaycanlı tələbədir, Almaniyada yaşayır, Azərbaycanın İsraillə və Avropa ölkələri ilə çox yaxşı münasibəti var. Absurd olsa da, bu İran üçün əsasdır. Həmin şəxsi casusluqda ittiham edərək həbs etdilər."-deyə politoloq qeyd edib.
Elşən Məcidov bildirir ki, digər ölkələrin vətəndaşları da İranda oğurlanır. Sadəcə bu həmin ölkələrin mediasında yayımlanır deyə dünya miqyasında geniş işıqlandırılmır. Bu da İranın qanunsuz fəaliyyət göstərməsinə yol açır. Azərbaycanlı tələbənin həbs edilməsinin də dünya mediasında geniş yer verilməməsi də yaxşı hal deyil.
Politoloq İran rejiminin vəziyyətdən asılı olaraq saxta cinayət işinə son verib oğurladıqları insanı öz ölkəsinə qaytarıldığı hallarının da olduğunu bildirdi. "Oğurlanan vətəndaşların qaytarılması individual olaraq qaytarılır. Adətən çox nadir hallarda baş verir. Ölkələrin İranla qarşılıqlı danışıqlarından asılı olaraq dəyişir. Burada həm siyasi söhbət gedə bilər, həm hansısa böyük bir iqtisadi sövdələşmənin bir hissəsi olaraq da gedə bilər. Əgər İranın həmin ölkə ilə ekstradiyası varsa, qarşılıqlı ekstradisya ilə mümkündür." -deyə Elşən Məcidov bildirib.