"Rusiyada baş verənləri sadəcə kənardan izləyirik. Çünki bu müasir Azərbaycan dövlətinin öz dəsti-xəttidir. Biz eyni zamanda, düşmən münasibətində olan Ermənistanın da daxili işlərinə, proseslərinə qarışmırdıq. Biz suveren ölkə kimi öz ölkəmizin daxili işləri ilə məşğul oluruq. Bu isə o deməkdir ki, qonşulardan və başqa ölkələrdən gözləntimiz bu yöndədir".
"Operativ Media" xəbər verir ki, bunu YAP Binəqədi rayon təşkilatının Binəqədi rayonu, Baksol yolu 89 ünvanında yerləşən “Unity Company” ərazi partiya təşkilatının sədri Fikrət Əliyev Rusiyada baş verənlərə münasibət bildirərkən deyib:.
"Rusiyanın da bəzi qüvvələrinin eyni qaydada Azərbaycanın daxili işlərinə qarışmağını qəbul etmirik. Məsələn, bir neçə gün əvvəl Rusiya XİN sözcüsü Mariya Zaxarova bildirmişdi ki, Azərbaycan tərəfini Laçın yolunu açmağa çağırırıq.
Bu ifadə Azərbaycanın daxili işlərinə müdaxilə kimi qiymətləndirilməlidir. Biz Rusiyadakı gərginliklə bağlı heç bir müdaxilə etmirik və qarşı tərəfdən də oxşar addımı gözləyirik. Laçın yolunun bağlanma səbəbi məlumdur: Ermənistan təxribat törədib, sərhədçimiz öz ərazimizdə yaralanıb. Əvvəlcə bu araşdırılmalıdır. Ermənistan geri addım atmalı, Azərbaycanın şərtlərini qəbul etməli, təxribatlardan çəkinməlidir. Gördündüyü kimi burada məsələ Ermənistan və Azərbaycanın arasındadır. Aİ, ABŞ, Fransa, Rusiya, İran və digər bu qəbildən olan ölkələr də onların daxili işlərinə qarışmadığımız kimi, bizim işlərimizə qarışmamalıdır.
Azərbaycanın yeritdiyi siyasət region ölkələri üçün əslində bir nümunədir".