http://operativmedia.az/frontend/img/svg/proqnozu.svg
Bakı 18 ° C

“Huawei” Azərbaycanda Süni İntellekt laboratoriyasının yaradılmasında iştirak edəcək

29 Sentyabr 2023 , 14:36
“Huawei” Azərbaycanda Süni İntellekt laboratoriyasının yaradılmasında iştirak edəcək

Rəqəmsal inkişaf və nəqliyyat naziri Rəşad Nəbiyev Çin Xalq Respublikasında işgüzar səfərdə olub.

"Operativ Media" Nazirliyə istinadən  xəbər verir ki, səfər çərçivəsində Rəşad Nəbiyev nəqliyyat naziri Li Siopenlə görüşüb. Danışıqlar zamanı iki ölkə arasında nəqliyyat və logistika sahələrində əlaqələrin gücləndirilməsi məsələləri müzakirə edilib. Görüş zamanı “Bir kəmər, bir yol” təşəbbüsü çərçivəsində Orta Dəhlizin inkişafına xüsusi önəm verildiyi qeyd edilib.

Tərəflər dəmir yolu və avtomobil daşımaları, kombinə edilmiş yük daşımaları və ictimai nəqliyyat istiqamətində potensial əməkdaşlıq, uçuşların tezliyi və uçuş şəbəkəsinin genişləndirilməsi imkanlarından danışıb. Müvafiq İşçi qrupunun yaradılması barədə fikir mübadiləsi aparılıb.

Dəmir Yolları Administrasiyasının rəhbərliyi ilə görüşdə dəmir yolu sahəsində iki ölkə arasında əməkdaşlığın inkişafı məsələlərindən danışılıb. Çinlə yük dövriyyəsinin artırılması və Orta Dəhlizin inkişafı istiqamətində ölkələr arasında əməkdaşlığın gücləndirilməsi üçün konkret addımlar müəyyən edilib.

Rəşad Nəbiyev, həmçinin ölkənin aviasiya siyasətini formalaşdıran Çin Mülki Aviasiya Administrasiyasının rəhbəri Sonq Jiyonqla görüşüb. Ölkələr arasında əməkdaşlığın inkişafı, o cümlədən pilotların hazırlanması, təlimlərin təşkili haqqında danışılıb. Birbaşa uçuşların və təyinat məntəqələrinin artırılması və Çin şirkətləri tərəfindən Azərbaycanın regional hava limanlarının operatorluğuna dair fikir mübadiləsi aparılıb.

Səfər çərçivəsində nazir Çinin aparıcı nəqliyyat şirkətləri olan “Yutong” və “Zhongtong”un rəhbərliyi ilə də görüşüb. Görüş zamanı Bakı şəhərində mobilliyin təmin olunması istiqamətində həyata keçirilən layihələr çərçivəsində elektrik avtobuslarının istifadəsi, eləcə də müvafiq şirkətlər tərəfindən ölkəmizdə istehsal müəssisələrinin yaradılması məsələləri müzakirə edilib.

Aparıcı logistika şirkətlərinin nümayəndələri ilə görüşdə Orta Dəhlizdə iş təcrübəsi olan şirkətlərin təklifləri dinlənilib. Şirkətlər Çinin müxtəlif regionlarını Orta Dəhliz istiqamətində subsidiyalar və yük həcmi kvotaları ayırmağa təşviq edəcəklərini vurğulayıblar.

Səfər zamanı Rəşad Nəbiyev sənaye və informasiya texnologiyaları nazirinin müavini Can Yunminlə də görüşüb. Görüş zamanı iki ölkə arasında İKT və rəqəmsal inkişaf sahəsi üzrə əməkdaşlığın inkişafı məsələləri müzakirə edilib. Həmçinin Çin şirkətləri tərəfindən Azərbaycanda elm tutumlu istehsalat müəssisələrinin qurulması, Çinin aparıcı universitetləri, texnoparkları, inkubasiya və akselerasiya mərkəzləri ilə əməkdaşlıq, müştərək mübadilə və təlim proqramlarının təşkilinə dair fikir mübadiləsi aparılıb.

Səfər çərçivəsində nazir, o cümlədən ölkənin aparıcı aviaşirkətləri və turizm sektorunun nümayəndələri ilə görüşüb. Görüş zamanı iki ölkənin şəhərləri arasında birbaşa uçuşların açılması, istiqamətlərin və uçuşların tezliyinin artırılmasının turizm əlaqələrinin inkişafına töhfə verdiyi vurğulanıb.

Rəşad Nəbiyev, həmçinin “Huawei” şirkətinin rəhbərliyi ilə görüşüb, şirkətin Tədqiqat və İnkişaf Mərkəzinin fəaliyyəti ilə tanış olub. Çinin süni intellekt sahəsində əldə etdiyi təcrübəni ölkəmizdə tətbiq etmək üçün “Huawei” ilə birgə Azərbaycanda Süni İntellekt (AI) laboratoriyasının yaradılması, o cümlədən şirkətin Bakıda “ağıllı” nəqliyyat sisteminin inkişafında iştirakı barədə ilkin razılıq əldə olunub.

***

"Çinə səfər zamanı “Huawei” şirkətinin rəhbərliyi ilə görüşdük, şirkətin Tədqiqat və İnkişaf Mərkəzinin fəaliyyəti ilə tanış olduq".

"Operativ Media" xəbər verir ki, bu barədə rəqəmsal inkişaf və nəqliyyat naziri Rəşad Nəbiyev "X" də bildirib.

"Çinin süni intellekt sahəsində əldə etdiyi təcrübəni ölkəmizdə tətbiq etmək üçün “Huawei” ilə birgə Azərbaycanda Süni İntellekt (AI) laboratoriyasının yaradılması, o cümlədən şirkətin Bakıda “ağıllı” nəqliyyat sisteminin inkişafında iştirakı barədə ilkin razılıq əldə olundu", - o, qeyd edib.

OXŞAR XƏBƏRLƏR
"WhatsApp"da məcburi yaş yoxlaması tətbiq ediləcək

"WhatsApp"da məcburi yaş yoxlaması tətbiq ediləcək

Putin Çinlə Ayda stansiyanın yaradılması haqqında sazişi təsdiqləyib

Putin Çinlə Ayda stansiyanın yaradılması haqqında sazişi təsdiqləyib

Mask "Apple" cihazlarını şirkətlərində qadağan etməyi planlaşdırır

Mask "Apple" cihazlarını şirkətlərində qadağan etməyi planlaşdırır

XƏBƏR LENTİ
  • 07:11

    KİV: G7 Rusiyanın dondurulmuş səhmlərindən Ukraynaya 50 milyard dollar ayıracaq
  • 06:35

    "Yuventus" yeni baş məşqçisini açıqladı
  • 06:29

    Türkiyə prezidenti İspaniya kralı ilə görüşüb - FOTO
  • 06:11

    Filippin sahillərində 5,8 maqnitudalı zəlzələ olub
  • Dünən
    23:29

    Sahibə Qafarova Belarus Respublikasının Baş naziri ilə görüşüb
  • Dünən
    23:11

    G7 ölkələri Rusiya aktivləri hesabına Kiyevə 50 milyard dollar ayırmağa razılaşıb
  • Dünən
    22:53

    Ermənistanda etirazlar: 55 mülki şəxs və polis həkimə müraciət edib
  • Dünən
    22:39

    Ermənistan polisi etirazçılara güc tətbiq edib, yaralılar var - YENİLƏNİB
    Ermənistan polisi etirazçılara güc tətbiq edib, yaralılar var - YENİLƏNİB
Menyu